نیشتمانم ڕۆ
نیشتمانم ڕۆ
لهو یهکدوو حهوتووهی ڕابردوودا که له سهکۆی فهیسبووکی هاوڕێی خۆشهویستم کاک هێدی، چهند بهرههمی چاپکراویی مامۆستا هێمن له ڕؤژنامهی "کوردستان"{ ی چاپی تاران}، سهرلهنوێ بڵاوکرابووهوه، دۆستیک وهک سکاڵا و گلهیی پێی ڕاگهیاندم که بۆچی ئهو پارچه شێعرهی که به بۆنهی ئاشبهتاڵ (1975) گوتراوه و له گۆڤاری (نووسهری کوردستان، ژماره16، ساڵی 1988، ل 177ـ 179) دا بۆ یهکهمجار چاپکراوه، له دیوانی هێمن موکریانی دا قرتاوه، کهچی شێعری (بههاری بێ خهزان) که به کوڕی "شا"ی ههڵاگوتراوه، زهق بووهتهوه، ئایا ئهوه بهرژهوهندخوازیی نهبووه؟
ئهمن ههمیشه نهزهرم وابووه، بهرههمی ئهو نووسهر و شاعیرانهی که له سهر ڕهوتی ئهدهبی و ڕۆشنبیریی کۆمهلگا کارتێکهرییان ههبووه و ههیه، دهبێ بخرێنهڕوو تهنانهت ئهگهر نێوهرۆکیهێندێک له بهرههمهکان نابهدڵ، یان به پێچهوانهی ویست و خوازی کهسێک، دهستهیهک، حیزبێک یان لایهنگرانیانهوه بن.
بهڵام ئهوهی راستی بێ، نهخێر، مهسهلهی بهرژهوهندخوازیی لهگؤڕێدا نهبووه. له دواههمین ساڵی دهرچوونی گۆڤاری گزینگ(1993ـ 2003)، که ئهو پارچهشێعرهم له لایهن برادهرێکی کوردستانی گهرمێنهوه بۆ چاپکردن به دهست گهیشت، هێندێک له قاقهزدانهکانی ئهرشیڤی گزینگ به هۆی کهمتهرخهمیی له کاتی ماڵگواستنهوهدا شوینبزر بوون. ههڵبهت ئهو پارچهشێعرهش یهکێک بوو له وان و، بهداخهوه هاوکات لهگهڵ تایپکردن و پێداچوونهوهی دیوانی هێمن موکریانی و ناردنی بۆ چاپ، دهستم به هیچ کوێ ڕانهگهیشت.
به کورتی، ئێسته که پارچهشێعرهکهم دۆزیوهتهوه، ئهوا بۆ ڕهواندنهوهی ههر چهشنه تهمێک، له ماڵپهڕی گزینگ دا بڵاودهبێتهوه.
س. چ. هێرش
هێمن موکریانی
ســــــــــــــــــهرلێشێواوم، دیلم، ڕهنجهڕۆ
له بۆ ئهم و ئهو، خۆم کرد دهستخهڕۆ
چی به کوشتم دا، ڕۆیی بـــــــــــــهفیڕۆ
لهنێو گهلاندا، سووک بووم وهک پهڕۆ
ناو و ناوبانگی کـــــــــــــــــوردستانم ڕۆ
ڕۆڵهی جوانم رۆ، نیشتمـــــــــــــــانم ڕۆ
دوای چهندساڵ جهنگ و، ئهمشاخ، ئهوشاخێ
گشت ڕۆژێ دامنا، لـــــــــــــــــــــه سهر دڵ داخێ
فریوی کێم خــــــــــــــــــــوارد، لووت کهڵهشاخێ
بۆچی به خوێنم تـــــــــــــــــــــــــــــهڕکا دهماخێ
خـــــــــــــــــانه و لانم ڕۆ، ئاو و نانم ڕۆ
ڕۆڵهی جوانم ڕۆ، نیشتمـــــــــــــــانم ڕۆ
کــــــــــــوڕم به کوشت دا، بۆ نیشتمانم
لــــــــــــــــــه ڕێی شهڕهفدا دامنا ژیانم
بهسبێ نۆکــــــــــــــهریی بۆ هاوسێیانم
واش به سهرشۆڕیی له قوون دهرکانم
قـــــــــــــــــــــــارهمانم ڕۆ، هۆی ژیانم ڕۆ
ڕۆڵهی جوانم ڕۆ، نیشتمـــــــــــــــانم ڕۆ
بۆ ئازادیی کــــــــورد، تاوم دا شۆڕش
لاوانم وهک شێر، دهیـــــانبرد هێرش
چیم وهدهسکــــهوت، "پڵاو و خۆرش"
بوومــــــــــه گهپجاڕی نهتهوه کۆرش
ڕهنجی شــــــانم ڕۆ، ورهی ژیانم ڕۆ
ڕۆڵهی جوانم ڕۆ، نیشتمـــــــــــانم ڕۆ
تا پێیان خۆشبوو، شـــــــهڕیان پێکردم
بـــــــــه خوێنی لاوان، ڕهنگاندم ههردم
کێ دڵسۆزمـــــــــــــــــــــه، تا بڵێم کوردم
چهندبهدڵ دهمکرد، دهک بهملی وردم
ســــــــــــــــهد لاوی خاوهن دهزگیرانم ڕۆ
ڕۆڵهی جوانم رۆ، نیشتمـــــــــــــــــانم ڕۆ
بۆ ئێمه هــــــــهموو جێیهک لۆزان بوو
ههر کردهی ئێمه و، بردهی دزان بوو
دادپرسین لهبۆ هـــــــــــهموو هۆزان بوو
که نۆرهی کوردهات، دانا نهزان بوو!
قازی و شیخ مهحموود، کاک ئیحسانم ڕۆ
ڕۆڵهی جوانم ڕۆ، نیشتمـــــــــــــــانم ڕۆ
شـــــــای خوێڕی گوتی: تۆ خزمی خۆمی
به ڕێ و شوینی ئهو، خۆم خسته گۆمی
ئهویش بۆمن بوو به کــــــــــابرای ڕۆمی
خوێنی فرۆشتم بــــــــــــــــه ئاوی چۆمی
منداڵی ســــــــــــــــــاوای بهستزمانم ڕۆ
ڕۆڵهی جوانم ڕۆ، نیشتمـــــــــــــــانم ڕۆ
سوێندی بۆخواردم، به تهخت و تا جی
ئازادی و شادیی کـــــــــــورده، ئامانجی
دوایی وهدهرکهوت، کورت و کرمانجی
خوێنی من دهڕژێ و، بۆ ویش قازانجی
بارهگای حــــــــــــــــــــاجی هۆمهرانم ڕۆ
ڕۆڵهی جوانم ڕۆ، نیشتمـــــــــــــــانم ڕۆ
چڵکـــــــــــــــاوی دامێ، وای زانی قازم
جیهان دهزانێ، هـــــــــــــــهڵۆم و بازم
به هیوای"شا" بووم، بۆیه زۆر سازم
شهرته تاکوو ههم، بهکهس نهنازم
پاڵـــــــــــــــــــــــــهوانم ڕۆ، پشتیوانم ڕۆ
ڕۆڵهی جوانم ڕۆ، نیشتمـــــــــــــــانم ڕۆ
کێ بوو تائێستا، ههڵهبێ، وهک من
پــــــــــهنام برده بهر ناپیاو و دوژمن
بارمتهی لێم گرت، لــــه منداڵ و ژن
کهوتوومه دهریای بێ سهر و بێ بن
ڕێی پهلهقاژه و دهرهتــــــــــــــانم ڕۆ
ڕۆڵهی جوانم ڕۆ، نیشتمــــــــــانم ڕۆ
دهمی هێنا پێش لــــــــــــــــه کاروبارم
بهتۆپ ڕووخاندی، چهندگوندو شارم
لهناکاو سازا و، شێواندی کـــــــــــارم
وهک خاوهنکار بێ و، منیش ڕیبوارم
پووشووی ســـــهردهستی پێشینانم ڕۆ
ڕۆڵهی جوانم ڕۆ، نیشتمــــــــــــــانم ڕۆ
لــــــه ڕووی دێ دهڵێ: "شۆڕش بێ هێز بوو
بـــــــــــــهرهی پێشمهرگه زۆر بێ پارێز بوو"
کــــــــــــهنگێ لاوی کورد، پیشهی گورێز بوو
خاوهنی"شا" بووم، "شا"ش کهری دێز بوو
هێزی پێشمهرگـــــــــــهی بێ وچانم ڕۆ
ڕۆڵهی جوانم ڕۆ، نیشتمــــــــــــــانم ڕۆ
نیوه چۆمێکی کـــــــــــــــڕی به خوێنم
منیش نیشانهی تــــــــهشهر و جوێنم
وادهسبهتاڵ و ئهستۆ بــــــــــــه کوێنم
نهمرم، پهتپهتی سهی به سهر دێنم
چهند هــــــــــــهزار لاوی پارتیزانم ڕۆ
ڕۆڵهی جوانم ڕۆ، نیشتمـــــــــــــانم ڕۆ
ســــــاڵ نییه جـــــــارێک فکری ڕاوی شا
لهگــــــهڵ شهیتانا، نهبهن نـــــــاوی شا
کــــــــــــــــوا له جیهاندا، ماوه باوی شا
گێژبووم، چاردهساڵ بووم بهپیاوی شا
لاوی سۆران و بــــــــــــــــــــــــــادینانم ڕۆ
ڕۆڵهی جوانم ڕۆ، نیشتمـــــــــــــــانم ڕۆ
تــــا رؤژێک دهدڕم پهڕۆی سهرشانم
تفـــــــهنگ وهزمان دێ بۆ کوردستانم
مووشهک دهکێشێ ڕێـــــــــــــگهی ژیانم
چی بهسهر "شا" دێ، بۆخۆم دهزانم
هـــــــــــــهر دهڵێم شێری بێشهڵانم ڕۆ
ڕۆڵهی جوانم ڕۆ، نیشتمــــــــــــانم ڕۆ
بهغدا،10/10/1978
